អ្នកជំនាញ៖គីម ជុងអ៊ុនខ្លាចស្លាប់តៃហាងដូចសាដាម ហ៊ូសេន ឬកាដាហ្វី
លោកប្រមុខការទូតចិនវ៉ាង យី |
ប្រតិកម្មកំពុងធ្លាក់មកជាបន្តបន្ទាប់ជុំវិញ ការសាកល្បងនុយក្លេអ៊ែររបស់កូរ៉េខាង ជើងកាលពីមួយសប្តាហ៍កន្លងទៅ។ អតីតរដ្ឋមន្រ្តីក្រសួងការពារជាតិជប៉ុនបានបញ្ជាក់នៅថ្ងៃសុក្រ ទី១៥ មករាថា មនុស្សខ្លាំងកូរ៉េខាងជើងគីម ជុងអ៊ុនគិតក្នុងចិត្តថា គឺមានតែការបន្តរក្សាកម្លាំងនុយក្លេអ៊ែរទេទើបរបបកុម្មុយនិស្តអាច បន្តរស់រានមានជីវិតបាន។ ចំណែកក្រុមអ្នកជំនាញបានសង្កត់ធ្ងន់ៗថា ការដែលគីម ជុងអ៊ុនព្យាយាមបំពាក់អាវុធនុយក្លេអ៊ែរមកពីថ្នាក់ដឹកនាំផ្តាច់ការ រូបនេះមិនចង់បញ្ចប់ជីវិតតៃហោងដូចថ្នាក់ដឹកនាំនៅអ៊ីរ៉ាក់ ឬមួយក៏នៅលីប៊ី។ ប្រតិកម្មធ្ងន់ៗក៏បន្តមានពីចិនដែរតាមរយៈក្រសួងការបរទេសដែលចង់ ឲ្យមានចំណាត់ការពីក្រុម ប្រឹក្សាសន្តិសុខអង្គការសហប្រជាជាតិ។
គឺ តាមរយៈសេចក្តីជូនដំណឹងមួយនៅលើគេហទំព័ររបស់ក្រសួងការបរទេសចេញ ក្នុងថ្ងៃសុក្រ ទី១៥ មករាដែលលោកប្រមុខការទូតចិនវ៉ាង យីបានថ្លែងថា ចិនយល់ព្រមឲ្យមានចំណាត់ការចំាបាច់ពីក្រុមប្រឹក្សាសន្តិសុខអង្គការ សហប្រជាជាតិដើម្បីឆ្លើយតបនឹងទង្វើសាកល្បងនុយក្លេអ៊ែររបស់ កូរ៉េខាងជើង។ ចិនបានយល់ឃើញថា គេត្រូវតែរក្សាអំណាចរបស់អង្គការសហប្រជាជាតិ និងមិនត្រូវបំពានលើកិច្ចព្រមព្រៀងសាយភាយនុយក្លេអ៊ែរទេ។ លោកវ៉ាង យីបានបន្ថែមថា អ្វីដែលទីក្រុងប៉េកាំងចង់បាន និងចង់ឃើញ គឺមិនមែនបង្កឲ្យមានភាពប្រឈមមុខដាក់គ្នាទេ តែក្នុងគោលដៅធ្វើឲ្យពិភពលោកមួយគ្មានអាវុធនុយក្លេអ៊ែរ និងស្ថិរភាពយូរអង្វែងនៅឧបទ្វីបកូរ៉េ។
គួរជម្រាបជូនថាកន្លង មក ចិនតែងតែចេញមុខការពារកូរ៉េខាងជើងដែលជាសម្ព័ន្ធមិត្តចាក់ទឹកមិន លិចរបស់ខ្លួន។ តែក្នុងរយៈពេលចុងក្រោយនេះ ចិនហាក់ដូចជាធុនទ្រាន់ នឿយណាយ និងទើសទាល់ចិត្តយ៉ាងខ្លាំងនៅចំពោះមុខទង្វើច្រំដែលរបស់ កូរ៉េខាងជើងដែលបានសាកល្បងនុយក្លេអ៊ែរលើកទី៤ កាលពីថ្ងៃទី៦ មករាកន្លងទៅ។ ក្រៅពីប្រតិកម្មខ្លាំងៗរបស់ចិន ក៏មានប្រតិកម្មពីក្រុមអ្នកជំនាញដែលថា ការដែលលោកគីម ជុងអ៊ុនព្យាយាមពង្រឹង និងបន្តបង្ហាញសាច់ដុំនុយក្លេអ៊ែរ គឺមកពីមនុស្សខ្លំាងកូរ៉េខាងជើងភ័យខ្លាចស្លាប់តៃហោងដូច ប្រធានាធិបតីអ៊ីរ៉ាក់សាដាម ហ៊ូសេន ឬប្រធានាធិបតីលីប៊ីកាដាហ្វី ឬមួយក៏មេអង្គការភេរវនិយមអាល់កៃដាអ៊ូសាម៉ា បេនឡាដេន។
នៅក្នុងប្រទេសជប៉ុនវិញ លោកអតីតរដ្ឋមន្រ្តីក្រសួងការពារជាតិម៉ូរីម៉ូតូបានយល់ឃើញថា មានតែការបន្តរក្សាអំណាចនុយក្លេអ៊ែរទេដែលរបបកុម្មុយនិស្ត ព្យុងយ៉ាងសង្ឃឹមនឹងអាចបន្តរស់រានមានជីវិតបាន។ ទាក់ទងនឹងការសាកល្បងគ្រាប់នុយក្លេអ៊ែរកាលពីថ្ងៃទី៦ មករាដែលកូរ៉េខាងជើងអះអាងជាគ្រាប់អ៊ីដ្រូសែនត្រូវបានលោកម៉ូរីម៉ូតូ បញ្ជាក់ថា កូរ៉េខាងជើងពិតជាកំពុងផលិតគ្រាប់អ៊ីដ្រូសែននោះមែន តែនៅមិនទាន់សម្រេចជោគជ័យនៅឡើយទេ៕
ប្រភពពី www.khmer.rfi.fr ដោយ គួច គន្ធារ៉ា
គួរជម្រាបជូនថាកន្លង មក ចិនតែងតែចេញមុខការពារកូរ៉េខាងជើងដែលជាសម្ព័ន្ធមិត្តចាក់ទឹកមិន លិចរបស់ខ្លួន។ តែក្នុងរយៈពេលចុងក្រោយនេះ ចិនហាក់ដូចជាធុនទ្រាន់ នឿយណាយ និងទើសទាល់ចិត្តយ៉ាងខ្លាំងនៅចំពោះមុខទង្វើច្រំដែលរបស់ កូរ៉េខាងជើងដែលបានសាកល្បងនុយក្លេអ៊ែរលើកទី៤ កាលពីថ្ងៃទី៦ មករាកន្លងទៅ។ ក្រៅពីប្រតិកម្មខ្លាំងៗរបស់ចិន ក៏មានប្រតិកម្មពីក្រុមអ្នកជំនាញដែលថា ការដែលលោកគីម ជុងអ៊ុនព្យាយាមពង្រឹង និងបន្តបង្ហាញសាច់ដុំនុយក្លេអ៊ែរ គឺមកពីមនុស្សខ្លំាងកូរ៉េខាងជើងភ័យខ្លាចស្លាប់តៃហោងដូច ប្រធានាធិបតីអ៊ីរ៉ាក់សាដាម ហ៊ូសេន ឬប្រធានាធិបតីលីប៊ីកាដាហ្វី ឬមួយក៏មេអង្គការភេរវនិយមអាល់កៃដាអ៊ូសាម៉ា បេនឡាដេន។
នៅក្នុងប្រទេសជប៉ុនវិញ លោកអតីតរដ្ឋមន្រ្តីក្រសួងការពារជាតិម៉ូរីម៉ូតូបានយល់ឃើញថា មានតែការបន្តរក្សាអំណាចនុយក្លេអ៊ែរទេដែលរបបកុម្មុយនិស្ត ព្យុងយ៉ាងសង្ឃឹមនឹងអាចបន្តរស់រានមានជីវិតបាន។ ទាក់ទងនឹងការសាកល្បងគ្រាប់នុយក្លេអ៊ែរកាលពីថ្ងៃទី៦ មករាដែលកូរ៉េខាងជើងអះអាងជាគ្រាប់អ៊ីដ្រូសែនត្រូវបានលោកម៉ូរីម៉ូតូ បញ្ជាក់ថា កូរ៉េខាងជើងពិតជាកំពុងផលិតគ្រាប់អ៊ីដ្រូសែននោះមែន តែនៅមិនទាន់សម្រេចជោគជ័យនៅឡើយទេ៕
ប្រភពពី www.khmer.rfi.fr ដោយ គួច គន្ធារ៉ា
អ្នកជំនាញ៖គីម ជុងអ៊ុនខ្លាចស្លាប់តៃហាងដូចសាដាម ហ៊ូសេន ឬកាដាហ្វី
Reviewed by Admin
on
Saturday, January 16, 2016
Rating: