គ.ជ.បថ្មីឲ្យលោកទេព នីថា កាន់តំណែងជាអគ្គលេខាធិការដដែល
 |
| គ.ជ.បថ្មីឲ្យលោកទេព នីថា កាន់តំណែងជាអគ្គលេខាធិការដដែល |
លោកទេព នីថា អតីតអគ្គលេខាធិការគណៈកម្មាធិការជាតិរៀបចំការបោះឆ្នោតចាស់ដែលរង ការរិះគន់យ៉ាងខ្លាំងនោះ ត្រូវបានសមាជិកគ.ប.ជថ្មីសម្រេចផ្តល់សេចក្តីទុកចិត្តឲ្យកាន់តំណែង ជាអគ្គលេខាធិការនៃគណៈកម្មាធិការជាតិរៀបចំការបោះឆ្នោតថ្មីបន្តទៀត។ ការសម្រេចនេះ បានធ្វើឡើងបន្ទាប់ពីសមាជិកគ.ជ.បទាំង៩រូបបានប្រជុំពិភាក្សាគ្នា ប្រមាណ៣ម៉ោងនៅព្រឹកថ្ងៃសុក្រនេះ។
លោក ទេព នីថា បានជាប់ជាអគ្គលេខាធិការគណៈកម្មាធិការជាតិរៀបចំការបោះឆ្នោតថ្មី ដោយទទូលខុសត្រូវរួម និង ទទួលបន្ទុកផ្ទាល់នាយកដ្ឋានហិរញ្ញវត្ថុ និង នាយកដ្ឋានរដ្ឋបាលនៃគណៈកម្មាធិការជាតិរៀបចំការបោះឆ្នោត។ ចំណែកតំណែងអគ្គលេខាធិការរងវិញ បានទៅលើលោកម៉ៅ សុភារិទ្ធ លោកសោម សូរីដា លោកនី ចរិយា និងលោកម៉ុក ដារ៉ា។ អគ្គលេខាធិការរងទាំង៤រូបនេះ ទទួលបន្ទុកនាយកដ្ឋាន៤ដាច់ដោយឡែកពីគ្នានៅក្នុងគណៈកម្មការធិការជាតិ រៀបចំការបោះឆ្នោតថ្មី។
ក្រោយពីជាប់ជាអគ្គលេខាធិការថ្មី លោកទេព នីថា បានប្តេជ្ញាថានឹងខិតខំបំពេញការងារទៅតាមតួនាទីដែលកំណត់ដោយច្បាប់ និង ខិតខំសហការល្អជាមួយមន្ត្រីក្នុងគណៈកម្មាធិការជាតិរៀបចំការបោះឆ្នោត ថ្មីដែលមកពីគណបក្សនយោបាយ និង អង្គការសង្គមស៊ីវិល។ លោកទេព នីថា ថែមទាំងចាត់ទុកថា ការរៀបចំឲ្យមានអគ្គលេខាធិការមួយ និង អគ្គលេខាធិការរងចំនួនបួននាក់នេះ គឺជារឿងល្អសម្រាប់គណៈកម្មារធិការជាតិរៀបចំការបោះឆ្នោត។
គួរបញ្ជាក់ថា លោកទេព នីថា ដែលជាអគ្គលេខាធិការគណៈកម្មាធិការជាតិរៀបចំការបោះឆ្នោតចាស់ ធ្លាប់ត្រូវបានគណបក្សប្រឆាំង អង្គការសង្គមស៊ីវិល និង សាធារណៈមតិមួយចំនួនបានរិះគន់យ៉ាងខ្លាំងពាក់ព័ន្ធនឹងភាពមិន ប្រក្រតីនៅក្នុងការបោះឆ្នោតនាពេលកន្លងមក។
ទោះជាយ៉ាងណា លោកស៊ិក ប៊ុនហុក ប្រធានគណៈកម្មការធិការជាតិរៀបចំការបោះឆ្នោតថ្មី បានគូសបញ្ជាក់ថា ការជ្រើសរើសលោកទេព នីថានេះ គឺផ្តោតសំខាន់ទៅលើសមត្ថភាពយល់ដឹងពីការបោះឆ្នោត ព្រោះថា គ.ជ.បថ្មី មានពេលវេលាមិនច្រើននោះទេក្នុងការរៀបចំដំណើរការបោះឆ្នោតនៅក្នុង ឆ្នាំ២០១៧ ក៏ដូចជានៅក្នុងឆ្នាំ២០១៨ ខាងមុខ។ គឺនៅត្រង់ចំណុចនេះហើយ ដែលលោកប្រធានគ.ជ.បថ្មីរូបនេះ អះអាងថា អត់អាចអនុគ្រោះឲ្យជ្រើសរើសយកមនុស្សថ្មីមករៀនធ្វើការងារបោះឆ្នោត នេះបានជាដាច់ខាត។ ទោះបីលោកទេព នីថា ធ្លាប់រងការរិះគន់ ប៉ុន្តែលោកស៊ិក ប៊ុនហុក បានអះអាងថា ការបោះឆ្នោតនាពេលខាងមុខនឹងធ្វើឡើងដោយតម្លាភាព ត្រឹមត្រូវ និង យុត្តិធម៌។
លោកហង្ស ពុទ្ធា សមាជិកមួយរូបរបស់គ.ជ.បថ្មីមកពីអង្គការក្រៅរដ្ឋាភិបាល និង លោកគួយ ប៊ុនរឿន សមាជិកគ.ជ.បកូតាខាងគណបក្សសង្គ្រោះជាតិ បានបដិសេធមិនប្រាប់ពីការសម្រេចចិត្តរបស់ពួកគេនៅក្នុងការ សម្រេចចិត្តរួមរបស់គ.ជ.បថ្មីក្នុងការជ្រើសរើសលោកទេព នីថា នោះទេ។ តែយ៉ាងណា អ្នកទាំងពីរ បានគោរពទៅតាមការសម្រេចចិត្តដែលធ្វើឡើងតាមច្បាប់របស់គ.ជ.បថ្មី ។
និយាយដាច់ដោយឡែក លោកគួយ ប៊ុនរឿន បានបញ្ជាក់ថា អគ្គលេខាធិការដ្ឋាន គ្រាន់តែជាជំនួយការរបស់គ.ជ.បតែប៉ុណ្ណោះ ដោយការម្រេចចិត្តអ្វីៗ គឺស្ថិតនៅដោយគណៈកម្មាធិការជាតិរៀបចំការបោះឆ្នោតទាំងមូល។ ជាមួយគ្នានេះ លោកគួយ ប៊ុនរឿន បានព្រមានថា ប្រសិនបើថ្នាក់ដឹកនាំ ឫ ក៏មន្ត្រីគ.ជ.បណាមិនអនុវត្តត្រឹមត្រូវទៅតាមច្បាប់ ឫការសម្រេចចិត្តរបស់គ.ជ.ប នោះគឺគ.ជ.បមានសិទ្ធិសម្រេចដកចេញពីតំណែងតែម្តង ដែលនេះគឺជាប្រព័ន្ធគ្រប់គ្រងថ្មីរបស់គណៈកម្មាធិការជាតិរៀបចំការ បោះឆ្នោតថ្មី៕ ប្រភពពី www.km.rfi.fr ដោយ វណ្ណ សុគន្ធា
ក្រោយពីជាប់ជាអគ្គលេខាធិការថ្មី លោកទេព នីថា បានប្តេជ្ញាថានឹងខិតខំបំពេញការងារទៅតាមតួនាទីដែលកំណត់ដោយច្បាប់ និង ខិតខំសហការល្អជាមួយមន្ត្រីក្នុងគណៈកម្មាធិការជាតិរៀបចំការបោះឆ្នោត ថ្មីដែលមកពីគណបក្សនយោបាយ និង អង្គការសង្គមស៊ីវិល។ លោកទេព នីថា ថែមទាំងចាត់ទុកថា ការរៀបចំឲ្យមានអគ្គលេខាធិការមួយ និង អគ្គលេខាធិការរងចំនួនបួននាក់នេះ គឺជារឿងល្អសម្រាប់គណៈកម្មារធិការជាតិរៀបចំការបោះឆ្នោត។
គួរបញ្ជាក់ថា លោកទេព នីថា ដែលជាអគ្គលេខាធិការគណៈកម្មាធិការជាតិរៀបចំការបោះឆ្នោតចាស់ ធ្លាប់ត្រូវបានគណបក្សប្រឆាំង អង្គការសង្គមស៊ីវិល និង សាធារណៈមតិមួយចំនួនបានរិះគន់យ៉ាងខ្លាំងពាក់ព័ន្ធនឹងភាពមិន ប្រក្រតីនៅក្នុងការបោះឆ្នោតនាពេលកន្លងមក។
ទោះជាយ៉ាងណា លោកស៊ិក ប៊ុនហុក ប្រធានគណៈកម្មការធិការជាតិរៀបចំការបោះឆ្នោតថ្មី បានគូសបញ្ជាក់ថា ការជ្រើសរើសលោកទេព នីថានេះ គឺផ្តោតសំខាន់ទៅលើសមត្ថភាពយល់ដឹងពីការបោះឆ្នោត ព្រោះថា គ.ជ.បថ្មី មានពេលវេលាមិនច្រើននោះទេក្នុងការរៀបចំដំណើរការបោះឆ្នោតនៅក្នុង ឆ្នាំ២០១៧ ក៏ដូចជានៅក្នុងឆ្នាំ២០១៨ ខាងមុខ។ គឺនៅត្រង់ចំណុចនេះហើយ ដែលលោកប្រធានគ.ជ.បថ្មីរូបនេះ អះអាងថា អត់អាចអនុគ្រោះឲ្យជ្រើសរើសយកមនុស្សថ្មីមករៀនធ្វើការងារបោះឆ្នោត នេះបានជាដាច់ខាត។ ទោះបីលោកទេព នីថា ធ្លាប់រងការរិះគន់ ប៉ុន្តែលោកស៊ិក ប៊ុនហុក បានអះអាងថា ការបោះឆ្នោតនាពេលខាងមុខនឹងធ្វើឡើងដោយតម្លាភាព ត្រឹមត្រូវ និង យុត្តិធម៌។
លោកហង្ស ពុទ្ធា សមាជិកមួយរូបរបស់គ.ជ.បថ្មីមកពីអង្គការក្រៅរដ្ឋាភិបាល និង លោកគួយ ប៊ុនរឿន សមាជិកគ.ជ.បកូតាខាងគណបក្សសង្គ្រោះជាតិ បានបដិសេធមិនប្រាប់ពីការសម្រេចចិត្តរបស់ពួកគេនៅក្នុងការ សម្រេចចិត្តរួមរបស់គ.ជ.បថ្មីក្នុងការជ្រើសរើសលោកទេព នីថា នោះទេ។ តែយ៉ាងណា អ្នកទាំងពីរ បានគោរពទៅតាមការសម្រេចចិត្តដែលធ្វើឡើងតាមច្បាប់របស់គ.ជ.បថ្មី ។
និយាយដាច់ដោយឡែក លោកគួយ ប៊ុនរឿន បានបញ្ជាក់ថា អគ្គលេខាធិការដ្ឋាន គ្រាន់តែជាជំនួយការរបស់គ.ជ.បតែប៉ុណ្ណោះ ដោយការម្រេចចិត្តអ្វីៗ គឺស្ថិតនៅដោយគណៈកម្មាធិការជាតិរៀបចំការបោះឆ្នោតទាំងមូល។ ជាមួយគ្នានេះ លោកគួយ ប៊ុនរឿន បានព្រមានថា ប្រសិនបើថ្នាក់ដឹកនាំ ឫ ក៏មន្ត្រីគ.ជ.បណាមិនអនុវត្តត្រឹមត្រូវទៅតាមច្បាប់ ឫការសម្រេចចិត្តរបស់គ.ជ.ប នោះគឺគ.ជ.បមានសិទ្ធិសម្រេចដកចេញពីតំណែងតែម្តង ដែលនេះគឺជាប្រព័ន្ធគ្រប់គ្រងថ្មីរបស់គណៈកម្មាធិការជាតិរៀបចំការ បោះឆ្នោតថ្មី៕ ប្រភពពី www.km.rfi.fr ដោយ វណ្ណ សុគន្ធា
គ.ជ.បថ្មីឲ្យលោកទេព នីថា កាន់តំណែងជាអគ្គលេខាធិការដដែល
![គ.ជ.បថ្មីឲ្យលោកទេព នីថា កាន់តំណែងជាអគ្គលេខាធិការដដែល]()
Reviewed by Admin
on
Saturday, January 16, 2016
Rating:
