មន្ត្រីសុខាភិបាល៖ ស្ត្រីអ្នកភូមិរកាម្នាក់ទៀតដែលរស់នៅជាមួយមេរោគអេដស៍បានស្លាប់
 |
| ពលរដ្ឋនាំគ្នាមកធ្វើតេស្តឈាមរកមេរោគអេដស៍នៅមណ្ឌលសុខភាព រកា ស្ថិតក្នុងស្រុកសង្កែ ខេត្តបាត់ដំបង កាលពីថ្ងៃទី១៩ ខែធ្នូ ឆ្នាំ២០១៤។ |
អ្នករស់នៅជាមួយមេរោគអេដស៍នៅភូមិរកា ជាស្ត្រីម្នាក់ទៀតបានស្លាប់ក្នុងចំណោមអ្នកស្លាប់ដោយសារអេដស៍មក ទល់ពេលនេះ បានកើនចំនួន ១២នាក់។ អនុប្រធានមន្ទីរសុខាភិបាលខេត្តបាត់ដំបង លោក ស៊ូ សានិត ឲ្យដឹងនៅថ្ងៃទី១៤ កុម្ភៈ ថា ស្ត្រីម្នាក់ទៀតហើយបានស្លាប់កាលពីថ្ងៃទី១៣ ដោយសារជំងឺអេដស៍នេះ។ បើទោះជាបែបនេះក៏ដោយចុះ លោកបញ្ជាក់ថា ពុំមានសញ្ញាណាមួយនៃការឆ្លងថ្មីទៀតដោយសារការរីករាលដាលដោយ ជំងឺអេដស៍ នៅឃុំរកា ខេត្តបាត់ដំបង។
លោកថ្លែងបន្តថា សព្វថ្ងៃនេះ ក្រៅពីផ្ដល់ថ្នាំពេទ្យសម្រាប់ផ្គត់ផ្គង់អ្នកដែលរស់នៅជាមួយជំងឺ អេដស៍ហើយ លើសពីនេះទៀត ថែមទាំងមានសេវាថែទាំអ្នកជំងឺ និងតាមដានជាប្រចាំទៀតផង។ លោកបន្តថា «ឥឡូវនេះយើងឲ្យថ្នាំគាត់គ្រប់ ក្នុងនោះយើងនិយាយអំពីមនុស្សពេញវ័យ ដកមនុស្សចាស់ចេញ សឹងតែមួយភាគរយ គាត់បើកថ្នាំមេរោគអេដស៍ហើយ។ មនុស្សចាស់យើងឲ្យគាត់ប្រហែល ៦០ភាគរយប៉ុណ្ណឹងទេ ដោយសារសល់ពីនោះគាត់មិនព្រមទទួល»។
មន្ត្រីសុខាភិបាលនៃមន្ទីរសុខាភិបាលខេត្តបាត់ដំបង លោក ស៊ូ សានិត បញ្ជាក់ទៀតថា អ្នករស់នៅជាមួយជំងឺអេដស៍នៅភូមិរកា ២៨០នាក់ ក្នុងនោះភាគច្រើនជាស្ត្រី។
កាលពីឆ្នាំ២០១៤ បន្ទាប់ពីដឹងថាមនុស្សជិត ៣០០នាក់បានឆ្លងមេរោគអេដស៍នៅក្នុងឃុំរកា ចៅក្រមនៃតុលាការខេត្តបាត់ដំបង កាលពីដើមខែធ្នូ ឆ្នាំ២០១៥ សម្រេចផ្ដន្ទាទោសលោកគ្រូពេទ្យ យ៉ែម ជ្រិន ដាក់ពន្ធនាគារ ២៥ឆ្នាំ ពាក់ព័ន្ធចម្លងមេរោគអេដស៍ដល់អ្នកភូមិរកា៕ប្រភពពី www.rfa.org.khmer
មន្ត្រីសុខាភិបាល៖ ស្ត្រីអ្នកភូមិរកាម្នាក់ទៀតដែលរស់នៅជាមួយមេរោគអេដស៍បានស្លាប់
Reviewed by Admin
on
Monday, February 15, 2016
Rating:
Reviewed by Admin
on
Monday, February 15, 2016
Rating:
