Featured Articles
All Stories

សម្តេចតេជោ ហ៊ុន សែន បានអញ្ជើញជាអធិបតីភាពដ៏ខ្ពង់ខ្ពស់ ក្នុងពិធីបើកសន្និសីទចក្ខុវិស័យប្រទេសកម្ពុជា ឆ្នាំ២០១៦

នៅព្រឹកថ្ងៃទី០៧ ខែមីនា ឆ្នាំ២០១៦ សម្តេចតេជោ ហ៊ុន សែន នាយករដ្ឋមន្រ្តី នៃកម្ពុជា បានអញ្ជើញជាអធិបតីភាពដ៏ខ្ពង់ខ្ពស់ ក្នុងពិធីបើកសន្និសីទចក្ខុវិស័យប្រទេសកម្ពុជា ឆ្នាំ២០១៦ នៅសណ្ឋាគារ សូហ្វីតែល រាជធានីភ្នំពេញ។

នៅក្នុងពិធីបើកសន្និសីទចក្ខុវិស័យប្រទេសកម្ពុជា ឆ្នាំ ២០១៦ ដែលធ្វើឡើងដោយមានកិច្ចសហការរវាង វិទ្យាស្ថាន CDRI និង ធានាគារ ANZ Royal សហការឧបត្ថមដោយ ក្រុមហ៊ុនធានារ៉ាប់រង Manulife ព្រមទាំងមានការចូលរួមពីវាគ្មិនកិត្តិយសមកពីស្ថាប័នរដ្ឋ វិស័យឯកជន ដៃគូអភិវឌ្ឍន៍ និងអ្នកនយោ បាយមួយចំនួនដែលមានជំនាញ ឯកទេសផ្នែកសេដ្ឋកិច្ច។ សន្និសីទនេះសំដៅជំរុញការងារអភិវឌ្ឍន៌ ប្រទេសជាតិឆ្ពោះទៅមុខ ដោយរកដំណោះស្រាយលើការពង្រឹង និងពង្រីកការអភិវឌ្ឍន៍ហេដ្ឋារចនាសម្ព័នក្នុងប្រទេស និងតភ្ជាប់ទៅក្នុងតំបន់ដើម្បីសម្រួលដល់ការដឹកជញ្ជូនឡូជីស្ទីក (Logistics) អាយកាន់ តែមានប្រសិទ្ឋិភាពខ្ពស់ស្របតាមស្តង់ដារ។
កិច្ចពិភាក្សាថ្ងៃនេះ គឺពិតជាបានរួមចំណែកយ៉ាងសំខាន់ក្នុងការអភិវឌ្ឍន៍ប្រទេសជាតិ ស្របទៅតាមយុទ្ឋសាស្រ្តចតុកោណរបស់រាជរដ្ឋាភិបាលកម្ពុជាដែលផ្តោតទៅលើ មនុស្ស ផ្លូវ ទឹក និងភ្លើងដែលក្នុងនោះ គឺរួមបញ្ចូលនូវដំណោះស្រាយល្អលើចំណុចសំខាន់ៗមួយចំនួនដូចខាងក្រោម:-
១ - ការពង្រឹងនិងពង្រីកផ្លូវជាតិ និងអន្តរជាតិតភ្ជាប់ទៅបណ្តាប្រទេសជិតខាង
២- ពង្រឹងការដឹកជញ្ជូនតាមផ្លូវទឹក
៣- ការបង្កើន និងពង្រីកផ្លូវដែកបន្ថែមទៀត
៤ - ការអភិវឌ្ឍន៍កំពង់ផែសមុទ្រ និងកំពង់ផែទន្លេ
៥- ការបញ្ចុះតំលៃអគ្គីសនី និង
៦ - ការកាត់បន្ថយការចំណាយ ឡូជីស្ទីក (Logistic)
តាមរយៈសន្និសីទនេះ គឺពិតជាបានផ្តល់នូវដំណោះស្រាយល្អៗជាច្រើនដើម្បីធ្វើអោយកាន់តែប្រសើរឡើងនូវហេ ដ្ឋារចនាសម្ព័នដឹកជញ្ជូន (Logistic) សំរាប់ការប្រកួតប្រជែង និងជំរុញកំណើនសេដ្ឋកិច្ចកម្ពុជា និងទាំងក្នុងកម្រិតតំបន់ និងពិភពលោក៕ប្រភពពី www.samdechhusen.gov.kh








·

សម្ដេច​តេ​ជោ​អញ្ជើញ​ចូលរួម​ទិវា​វប្បធម៌​ជាតិ​៣​មីនា​ឆ្នាំ​២០១៦​និង​បិទ​មហោស្រព​សិល្បៈ​យុវជន​ទូទាំង​ប្រទេស


ភ្នំពេញ ​៖​ ព្រឹក​ថ្ងៃទី​៣​មីនា​នេះ សម្ដេច​អគ្គមហាសេនាបតី​តេ​ជោ​ហ៊ុន​សែន​នាយករដ្ឋមន្ត្រី​នៃ​ព្រះ​រាជណាចក្រ​ កម្ពុជា​បាន​អញ្ជើញ​ជា​អធិបតី​ដ៏​ខ្ពង់ខ្ពស់​នៅក្នុង​ទិវា​វប្បធម៌​ជាតិ​៣​ មីនា​លើក​ទី​១៨​ឆ្នាំ​២០១៦​និង​បិទ​មហោ ស្រព​សិល្បៈ​យុវជន​ទូទាំង​ប្រទេស​នៅ​ សាលសន្និសីទ​ចតុមុខ រាជធានី​ភ្នំពេញ​។​

​​ទិវា​វប្បធម៌​ ជាតិ​៣​មីនា ជា​ទិវា​ដ៏​សំខាន់​មួយ​របស់​ប្រទេសជាតិ ដែល​រាជរដ្ឋាភិបាល​តែងតែបាន​យកចិត្តទុក ដាក់​រៀបចំ​ប្រារព្ធ​ឡើងជា​រៀង​រាល់​ ឆ្នាំ ដើម្បី​រំលឹក​ដល់​គុណូបការៈ និង​ស្នាដៃ​ដ៏​វិសេសវិសាល​នៃ​បុព្វបុរស​យើង ដែល​បាន​បន្សល់ ទុក​នូវ​មរតក​វប្បធម៌​ដ៏​សម្បូរ​បែប ​ដល់​កូនចៅ​ជំនាន់​ក្រោយ ។​

ការ​ប្រារព្ធ​ ទិវា​នេះ​ក៏​ជា​ការ​ជំរុញ​ការ​ផ្សព្វផ្សាយ ​ការផ្ទេរ​ចំណេះដឹង ចំណេះធ្វើ ជំនាញ​បច្ចេកទេស និង​ទេព កោស ល្យ​វប្បធម៌ ក៏ដូចជា​ការ​ក្រើន​រម្លឹក បំផុសស្មារតី និង​មនសិការ ដល់​ប្រជាពលរដ្ឋ​ទាំងអស់ ជាពិសេស​យុវជន ដែល​ជា​ទំពាំង​ស្នង ​ឫស្សី ​មាន​កាតព្វកិច្ច​ក្នុង​ការ​ថែរក្សា​ការពារ​ ឱ្យ​បាន​ស្ថិតស្ថេរ​គង់វង្ស​នូវ​វប្បធម៌​ជាតិ​ចម្រុះ​របស់​សហគមន៍​ជនជាតិ​នៅ ​ព្រះរាជាណាចក្រ​កម្ពុជា​។ ទិវា​វប្បធម៌​ជាតិ​៣​មីនា​លើក​ទី​១៨​ឆ្នាំ​២០១៦​នេះ ​ត្រូវ​បាន​រាជរដ្ឋាភិបាល​សម្រេច​ឱ្យ​រៀបចំ ដោយ​រក្សា​ប្រធានបទ​ដដែល​ដូច​ឆ្នាំ​២០១៥ គឺ​«​យុវ ជន​ដើម្បី វប្បធម៌​ជាតិ​» ដើម្បី ​ឱ្យ​ក្មួយៗ​យុវជន ក៏ដូចជា​ប្រជាពលរដ្ឋ​រួច​រួម​សម្រេច​ឱ្យ​បាន​គោលដៅ សំខាន់ៗ​មួយ ចំនួន ដូចជា​ការបង្កើត ការ​ស្រឡាញ់ និង​ស្មារតី​រូ​ល​រួម​កាន់តែ​ខ្លាំងក្លា​ថែមទៀត និង​ការផ្ទេរ ទទួលយក ចំណេះដឹង ជំនាញ បច្ចេកទេស​សិល្បៈ វប្បធម៌ សំ​ដៅ​លើក​កំពស់​ថែរក្សា ការពារ​វប្បធម៌​ជាតិ ក៏​ដូច ជា​វប្បធម៌​ចម្រុះ នៅ​កម្ពុជា​ឱ្យ​បាន​គង់វង្ស ដែល​ជា​មូលដ្ឋានគ្រឹះ នៃ​សាមគ្គីភាព ឯកភាព​ជាតិ សុខដុមរមនា និង​ភាព​សុខសាន្ត របស់​សង្គមជាតិ​យើង ។​

​​​លើក​កំពស់ ការ​យល់​ដឹង​កាន់​តែ​ច្បាស់ ​អំពី​តម្លៃពិត នៃ​វប្បធម៌​ជាតិ​យើង ដែល​ជា​ធនធាន​ប្រកបដោយ សក្ដានុពល​ ខ្ពស់ ក្នុង​ការ​ចូល​រួម​ចំណែក អភិវឌ្ឍន៍​សេដ្ឋកិច្ចជាតិ តាមរយៈ​ការបង្កើត សេវាកម្ម និង​ផលិតផល​វប្បធម៌ សម្រាប់​គោលដៅ​ពាណិជ្ជ និង​ទេសចរណ៍​។ បង្កើន​ការចូលរួម​កាន់តែ សកម្ម ក្នុង​ការសិក្សា​ស្រាវជ្រាវ និង​ចងក្រង រក្សាទុក​ឱ្យ​បាន​គង់វង្ស នូវ​ឯកសារ​បេតិ  កភណ្ឌ វប្បធម៌ គ្រប់​ប្រភេទ ដែល​មាន​ក្នុង​មូលដ្ឋាន​របស់​ខ្លួន ។​

​​ជំរុញ​ ការចូលរួម​កាន់តែ​សកម្ម ប្រកបដោយ​មោទនភាព និង​ការទទួលខុសត្រូវ​ខ្ពស់ ក្នុង​ការ​ផ្សព្វផ្សាយ អភិរក្ស និង​អភិវឌ្ឍន៍​វប្បធម៌​ជាតិ ព្រមទាំង​វប្បធម៌​ចម្រុះ ប្រកបដោយ​និរន្តរភាព ដោយ​មិន ប្រកាន់​និន្នាការ​នយោបាយ ជំនឿ​សាសនា និង​ពណ៌​សម្បុរ​។​

​​​សម្ដេច​តេ​ជោ ​ហ៊ុន​ សែន​ប្រមុខ​រាជរដ្ឋាភិបាល​បាន​ថ្លែង​ការ​រីករាយ​ជាមួយ​សាស្ត្រាចារ្យ​មរតក​ មនុស្ស​រស់ បណ្ដា​សិល្បករ សិប្បការិនី​ មន្ត្រីរាជការ សិស្សានុសិស្ស យុវជន យុវនារី ដែល​មាន​វត្តមាន នៅក្នុង​ពិធី​នេះ​ថា ទិវា​វប្បធម៌​ជាតិ​៣​មីនា​លើក​ទី​១៨ និង​ពិធី​បិទ​មហោស្រព​សិល្បៈ​យុវជន ទូទាំង​ប្រទេស​នា​ឱកាស​នេះ ត្រូវ​បាន​ប្រារព្ធ​ឡើង​ក្នុង​គោលបំណង រម្លឹក​ដល់​គុណូបការៈ របស់​បុព្វបុរស​យើង ដែល​បាន​បន្សល់ទុក​មរតក​វប្បធម៌ ដ៏​សម្បូរ​បែប សម្រាប់​យើង​គ្រប់គ្នា​ជា​កូនចៅ ជំនាន់​ក្រោយ​។ ព្រឹត្តិការណ៍​ទិវា​ជាតិ​នេះ ពិតជា​បាន​រួម​ចំណែក បំផុស មនសិការ​ស្នេហា​ជាតិ ស្មារតី​ស្រឡាញ់​សម្បត្តិ វប្បធម៌​ដល់​ប្រជាជាតិ​ខ្មែរ​ពី​គ្រប់​មជ្ឈដ្ឋាន​ទាំង​ក្នុង​និង​ក្រៅប្រទេស ​សំដៅ​ផ្សព្វផ្សាយ និង​អប់រំ អំពី​វប្បធម៌ និង​សីលធម៌​ដ៏​ល្អ​ផូរផង់​របស់​ជាតិ អំពី​ផលិតផល វប្បធម៌​ខ្មែរ​ដ៏​សម្បូរ​បែប និង​ឱ្យ​ចេះ​រួមគ្នា ជា​ធ្លុង​មួយ ប្រកបដោយ​ឆន្ទៈ​ម្ចាស់ការ មនសិការ​ស្នេហា​ជាតិ ចេះ​ថែរក្សា ការពារ និង​បណ្ដុះ​គំនិត លើកតម្កើង​កេរ្តិ៍ដំណែល​វប្បធម៌​ជាតិ ទាំង​រូបិយ៍ ​និង​អរូបីយ៍​ឱ្យ​បាន​ស្ថិតស្ថេរ និង​គង់វង្ស​៕ប្រភពពី www.bayontv.com.kh
·

ខួបគម្រប់ ១០ ឆ្នាំ នៃការបញ្ជូនកងកម្លាំងមួកខៀវកម្ពុជាចូលរួមថែរក្សាសន្តិភាព ជាមួយអង្គការសហប្រជាជាតិ បង្ហាញពីការជោគជ័យខ្លាំងរបស់កម្ពុជា

ថ្ងៃនេះគឺជាខួបគម្រប់ ១០ ឆ្នាំ នៃការចូលរួមបញ្ជូនកងកម្លាំងមួកខៀវកម្ពុជាចូលរួមថែរក្សាសន្តិភាព ជាមួយ អង្គការសហប្រជាជាតិ (UN) ដែលបាននិងកំពុងធ្វើនៅក្នុងប្រទេសចំនួន ៨ ដូចជាប្រទេស សូដង់ ស៊ូដង់ ខាងត្បូង អាហ្រ្វិកកណ្តាល លីបង់ ម៉ាលី ឆាត កោះសៃផ្រឹស និងអារ៉ាប់-ស៊ីរី។

ខ្ញុំសូមអរគុណជនរួមជាតិ ដែលបានចូលរួមថែរក្សាសន្តិភាពក្នុងប្រទេស និងបានគាំទ្រនយោបាយ ការ បរ ទេស កម្ពុជាក្នុងការចូលរួមសហការជាមួយអង្គការសហប្រជាជាតិ ដើម្បីចូលរួមថែរក្សាសន្តិភាព សម្រាប់ ពិភព លោកទាំងមូល។ ខ្ញុំសូមឆ្លៀតយកឱកាសនេះ សូមផ្ញើសេចក្តីនឹករឮក និងជូនពរដល់កងទ័ពមួក ខៀវ កម្ពុជាទាំងអស់ដែល កំពុងឈរជើងបំពេញបេសកកម្មជាមួយអង្គការសហប្រជាជាតិនៅ តាមបណ្តាប្រទេស នានាអោយជួបតែសំណាងល្អ និងពុទ្ឋពរ៤ប្រការគឺ អាយុ វណ្ណៈ សុខៈ ពលៈ កុំបីឃ្លៀងឃ្លាតឡើយ។
ប្រភពពី www.samdechhunsen.gov.kh










·

សម្តេចតេជោ ហ៊ុន សែន អនុញាតអោយលោក Norio Yamaguchi ប្រធានអង្គការផ្លាស់ប្តូរសេដ្ឋកិច្ច និងវប្បធម៌អាស៊ាន- ជប៉ុន ជួបសំដែងការគួរសម និងពិភាក្សាការងារ

នៅវិមានសន្តិភាព ព្រឹកថ្ងៃទី០១ មិនា ឆ្នាំ២០១៦នេះ សម្តេចតេជោ ហ៊ុន សែន នាយករដ្ឋមន្ត្រីនៃព្រះរាជា ណាចក្រ កម្ពុជា បានអនុញាតអោយលោក Norio Yamaguchi ប្រធានអង្គការ ផ្លាស់ប្តូរសេដ្ឋកិច្ច និងវប្បធម៌ អាស៊ាន- ជប៉ុន នៃក្រុមប្រឹក្សាផ្លាស់ប្តូរមិត្តភាព ចូលជួបសំដែងការគួរសម និងពិភាក្សាការងារ

លោក Norio Yamaguchi បានជម្រាបជូនសម្តេចតេជោ ហ៊ុន សែន ថា អង្គការផ្លាស់ប្តូរសេដ្ឋកិច្ច និងវប្បធម៌អាស៊ាន- ជប៉ុន នៃក្រុមប្រឹក្សាផ្លាស់ប្តូរមិត្តភាពនេះគឺជាអង្គការមិនមែនរដ្ឋាភិបាលមួយ ដែលមិនរកប្រាក់ចំនេញ និងមានអាយុកាលជាង៣០ឆ្នាំមកហើយ ដែលសុទ្ឋសឹងជាក្រុមពាណិជ្ជករ មកពីបណ្ដាក្រុមហ៊ុនប្រមាណជាង១០០០ក្រុមហ៊ុន ទិសដៅនៃអង្គការនេះ គឺដើម្បីជំរុញការយល់ដឹងផង និងជំរុញ ចំណងមិត្តភាពរវាងប្រទេសជប៉ុន និង បណ្តាប្រទេសទាំងឡាយនៅលើពិភពលោកផងដែរ។ លោក Norio បានគោរពជម្រាបជូនសម្តេចតេជោ ដែរថា ដំណើរទស្សនកិច្ចរបស់ប្រតិភូមកកម្ពុជា នៅពេលនេះ ដើម្បីស្វែងយល់អំពី កម្ពុជា ជាពិសេសអំពីនយោបាយទូទៅរបស់កម្ពុជាផង និងការគ្រប់គ្រងរបស់សម្តេចតេជោ ដែលធ្វើឱ្យព្រះរាជាណាចក្រកម្ពុជា ទទួលបាននូវសន្តិភាព ស្ថេរភាព និងការអភិវឌ្ឍ រួមទាំងទស្សវិស័យ និងទំនាក់ទំនងទ្វេភាគីដែលជាការរំពឹងទុក របស់កម្ពុជា ចំពោះប្រទេសជប៉ុន។ សម្តេចតេជោ ហ៊ុន សែន បានថ្លែងអំណរគុណចំពោះតួនាទីជប៉ុន ដែលបានជួយកម្ពុជាយើង ដំណាក់កាលស្វែងរកសន្តិភាព ក៏ដូចជាដំណាក់កាលកសាងប្រទេស ឈានដល់មានការអភិវឌ្ឍន៍រហូតដល់ពេលនេះ។ សម្តេចតេជោ បានជម្រាបជូនដល់ប្រតិភូទាំងមូល អំពីដំណាក់កាលស្វែងរកសន្តិភាពរបស់កម្ពុជា និងដំណាក់កាលកសាងកម្ពុជាឡើងវិញ ហើយក៏បានជម្រាបជូនប្រតិភូអំពីវិធីសាស្ត្រដោះស្រាយបញ្ហា ដែលកម្ពុជាបានជួបកន្លងមក គឺធ្វើយ៉ាងណាថែរក្សាឲ្យខានតែបាននូវស្ថេរភាពនយោបាយផង និងស្ថេរភាពមាក្រូសេដ្ឋកិច្ចផង។ លើសពីនោះទៅទៀតសម្តេចតេជោ ក៏បានជម្រាបជូន ប្រតិភូទាំងមូល អំពីអាទិភាពរបស់រាជរដ្ឋាភិបាល ដែលពីដើមឡើយ គឺមានទឹក ផ្លូវ ភ្លើង និងមនុស្ស ប៉ុន្តែឥឡូវនេះ បានកែប្រែមុំ គឺមនុស្ស ទឹក ផ្លូវ ភ្លើងវិញ។ ជាមួយគ្នាដែរ សម្តេចតេជោ ហ៊ុន សែន ក៏បានជម្រាបជូនប្រតិភូអំពីកំណែទម្រង់ជាអាទិភាព របស់រាជរដ្ឋាភិបាលដែលបាននឹងកំពុងតែធ្វើ គឺមានការប្រយុទ្ធប្រឆាំងនឹងអំពើពុករលួយ កំណែទម្រង់រដ្ឋបាលសាធារណៈ កំណែទម្រង់ច្បាប់និងតុលាការ កងកម្លាំងប្រដាប់អាវុធ ហើយក៏បានជម្រាបជូនអំពីនយោបាយថ្មីពីរ របស់រាជរដ្ឋាភិបាល នោះគឺជានយោបាយផលិតកម្មស្រូវ និងនាំចេញអង្ករ និងនយោបាយមួយទៀត គឺនយោបាយអភិវឌ្ឍន៍វិស័យឧស្សាហកម្ម និងមានទិសដៅទាក់ទាញអ្នកវិនិយោគ ឲ្យមកវិនិយោគនៅកម្ពុជា ដោយប្រើប្រាស់ធនធាន ដែលកម្ពុជាមានស្រាប់ និងឧស្សាហកម្មបច្ចេកវិទ្យាជាន់ខ្ពស់ ក្នុងន័យនេះសម្តេចក៏បានស្នើសុំឲ្យជប៉ុន ក៏ដូចជាប្រតិភូទាំងមូល ធ្វើយ៉ាងណាជួយជម្រុញ ឲ្យអ្នកវិនិយោគជប៉ុន ដើម្បីវិនិយោគលើវិស័យនេះ គឺមិនត្រឹមតែសម្រាប់ទីផ្សារកម្ពុជានេាះទេ គឺសម្រាប់ទីផ្សារពិភពលោកទាំងមូលតែម្តង រួមទាំងទីផ្សារជប៉ុនផងដែរ៕ ប្រភពពី www.samdechhunsen.gov.kh






·